Girgizar Kasa: Adadin Wadanda Suka Mutu A Turkiyya Da Siriya Sun Haura 23,000

Adadin wadanda suka mutu biyo bayan girgizar kasar da aka samu a Turkiyya a ranar Litinin ya karu zuwa 19,388 kamar yadda shugaban kasar Turkiyya, Erdogan ya bayyana.

Adadin kuma a makwabciyar kasar Syria ya kai 3,377 wanda hakan ke nufin adadin a kasashen biyu ya haura 23,000.

• Babu Wani Dan Nijeriya Mai Hankali Da Zai Zabi APC Da PDP – Kwankwaso
• APC Ta Dage Yakin Zaben Shugaban Kasarta A Kano

Erdogan ya ce sama da mutum 77,700 sun jikkata a Turkiyya, inda ya kara da cewa za a sassautawa wadanda suka jikkata haraji.

Tun da fari, ya amsa cewa gwamnati ba ta yi abin da ya dace ba cikin gaggawa kan wannan balahira.