Gobara Ta Hallaka Yara 2 A Sansanin ‘Yan Gudun Hijira A Borno

Wani iftila’i ya auku a Jihar Borno ranar Talata, yayin da gobara ta tashi a sansanin ‘yan gudun hijira na Muna a jihar.

Lamarin da ya faru a sansanin na Muna Alamdari da ke Maiduguri, ya yi sanadin rasa rayukan yara biyu.

• Boko Haram Ta Sako ‘Yan Gudun Hijira 9 Da Ta Sace A Borno
• Za Mu Tabbatar Da Tsaro A Lokacin Azumi – Sufeton ‘Yansanda

Har zuwa lokacin hada wannan rahoto, ba a gano musabbabin tashin gobarar ba.

Kazalika, rundunar ‘yansandan Jihar Borno ko gwamnatin jihar ba su ce komai game da lamarin ba.

Jihar Borno dai ta kwashe sama da shekaru 10 tana fama da hare-haren Boko Haram, wanda ya yi sanadin mutuwar dubban mutane tare da raba mutane da dama da matsugunansu.