Gobara Ta Kone Shaguna 4 A Kano

Gobara ta kone shaguna guda hudu a kan titin zuwa filin jirgin sama kusa da titin France Road da ke karamar hukumar Fagge a Kano.

Hakan na kunshe ne cikin wata sanarwa da kakakin hukumar kashe gobara ta jihar, Alhaji Saminu Abdullahi, ya fitar ranar Litinin a Kano.

• Bangaren Masana’antun Kera Kayayyaki Na Kasar Sin Yana Samun Ci Gaba Sosai
• An Yi Bikin Rantsar Da Sabon Shugaban Brazil, Lula

Ya ce lamarin ya faru ne a safiyar ranar Litinin.

“Mun samu kiran waya da misalin karfe 09:06 na safe daga Hamisu Ahmed kuma nan take muka aike da tawagarmu zuwa wurin da lamarin ya faru da misalin karfe 09:13 na safe domin hana gobarar bazuwa zuwa sauran shaguna.

Sanarwar ta ce “Shagunan guda hudu da suka lalace ana amfani da su ne wajen siyar da kayan asibiti da kuma kayan gyaran mota.”

Ya ce ana binciken musabbabin tashin gobarar.