Gwamna Peter Mbah Ya Ƙaddamar Da Jiragen Kasuwanci 3 Na ‘Enugu Air’ Mallakin Jihar

Kamfanin jirgin sama mallakar jihar Enugu, wato Enugu Air, ya fara aiki a hukumance ranar Litinin bayan ƙaddamar da shi a filin jirgin sama na Akanu Ibiam, Enugu.

Mutane da dama sun halarci bikin ƙaddamarwar tare da Ministan Sufurin Jiragen Sama, Festus Keyamo, da sauran manyan baki da suka halarci bikin ƙaddamarwar.

• APC Ta Tafka Asara, Wani Jigo Ya Fice A Enugu 
• Masu Gida Sun Yi Ruwan Kwallaye A Enugu

Enugu Air wani ɓangare ne na hangen nesa da ƙudurin Gwamna Peter Mbah, don inganta harkar sufuri da mayar da Enugu cibiyar jiragen sama a Nijeriya. Kamfanin ya fara aiki da jirage uku na Embraer E170 da E190, wadanda suka dace da zirga-zirgar cikin gida.

Jirgin zai fara tashi tsakanin Enugu da Abuja da kuma Jihar Legas, sannan ana shirin faɗaɗa jigilar zuwa sauran manyan birane kamar Port Harcourt da Owerri da Benin da kuma Jihar Kano.