Gwamnan Jihar Kaduna, Sanata Uba Sani ya kaddamar da rabon kayayyakin amfanin gona ga kananan manoma 40,000 a karkashin shirin ‘A Koma Gona’, a fadin kananan hukumomin jihar 23.
Da yake jawabi ga manoma a wajen taron a ranar Litinin, gwamnan wanda ya bayyana jin dadin kasancewa tare da manoman ya ce, “noma shi ne kashin bayan tattalin arzikinmu, wanda ke samar da ayyukan yi da kuma tabbatar da dorewar rayuwa. Jihar Kaduna na da albarkar noma mai dimbin yawa.
- Gwamnan Kaduna Ya Bada Tallafin Motoci 150, Babura 500 Ga Hukumomin Tsaro
- Hajjin Bana: Kaduna Ta Yi Jigilar Alhazai Fiye Da 1,600 Zuwa Saudiyya
Don haka, Gwamnan ya yi kira ga manoman da suka ci gajiyar shirin su yi amfani da kayayyakin yadda ya kamata.
Tun da farko a jawabinsa na maraba, Kwamishinan Noma, Murtala Dabo, ya ce, shirin da Gwamnan ya bullo da shi, ba wai zai inganta samar da abinci a Kaduna da Nijeriya kadai ba ne, zai taimaka matuka ga burin Gwamnan na farfado da tattalin arzikin karkara.
Shugaban karamar hukumar Ikara, Sadiq Ibrahim Salihu ya bayyana matukar godiya ga Gwamnan, inda ya ce, jajircewarsa na ci gaba da kyautata rayuwar manoma da masu sana’o’in noma, wanda ya kasance ginshikin rayuwar al’ummar Ikara da sauran mutanen kananan hukumomi a shiyyar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
