Gwamna Yusuf Ya Aike Da Sunayen Kwamishinoni Zuwa Majalisar Dokokin Jihar Kano

Gwamnan Jihar Kano, Alhaji Abba Kabir Yusuf, ya mika sunayen wasu fitattun mutane guda biyu ga majalisar dokokin jihar Kano domin tabbatar da su a matsayin kwamishinoni da ‘yan majalisar zartarwa na jihar.

Hakan na kunshe ne cikin wata sanarwa da mai magana da yawun gwamnan, Sunusi Bature Dawakin Tofa ya fitar a ranar Asabar.

• Yaushe Za Ta Kare Wa Haaland?
• Matatar Dangote Ta Dawo Sayar Da Man Fetur A Kuɗin Naira

Wadanda aka nada su ne Barista Abdulkarim Kabir Maude, SAN wanda aka zaba daga karamar hukumar Minjibir wanda ake shirin gabatarwa a matsayin babban lauyan Nijeriya a kotun koli gobe.

Maude dan shekara 40, kwararren lauya ne, kuma haziki wanda ya kammala karatun digiri a fannin shari’a daga babbar jami’ar Ahmadu Bello da ke Zaria.

Shi mamba ne a kungiyar lauyoyin Nijeriya da kuma a Cibiyar Masu sasantawa ta Nijeriya.