Gwamnatin Jihar Legas Ta Kara Gano Wasu Gawarwaki Bayan Kefewar Kwale-Kwale

Biyo bayan hadarin wani jirgin Kwale-Kwale da ya auku a ranar juma’ar da ta wuce, an sake gano gawarwakin Fasinjojin cikin jirgin hudu a yankin Mile 2 a jiya Asabar.

Jirgin wanda yayo jigilar fasinjojin 16 ya kefe ne a ranar daren juma’ar da ta wuce.

• Fasinjoji 16 Sun Bace Sakamakon Nutsewar Kwale-kwale A Legas

Janar Manaja na hukumar kula da rafukan jihar LASWA Mista Oluwadamilola Emmanuel ne ya tabbatar da sake gano gawarwakin ga kamfanin dillancin labarai na kasa a yau Lahadi,
Oluwadamilola ya ce, Gwamnatin jihar ta lashi Takobin kara daukar matakai don magance barin Ana yin amfani da kwale-kwalen da Ba sura ingancin safarar fasinjoji a jihar .

Ya kuma mika ta’aziyyarsa ga ‘yan uwa da abokan arzikin wadanda iftila’in da rutsa da su.

Ya ce, a shekarun baya ne aka yanke wa wani direben Kwale-Kwale daurin rai da rai a gidan gyra hali saboda haddasa hadarin jirgin Kwale-Kwale a jihar.

Emmanuel ya kuma shawarci fasinjojin da ke hawan Kwale-Kwale a jihar da su tabbatar suna yin amfani da rigar kariya in sun hau Kwale-Kwale.