Kungiyar gwamnonin jam’iyyar PDP-GF ta bukaci gwamnatin tarayya da ta kara jajircewa wajen ganin ta magance kalubalen tsaro da matsalar tattalin arziki da ‘yan Nijeriya ke fuskanta.
Gwamnonin sun bayyana haka ne a cikin wata sanarwa da suka fitar a karshen taronsu wanda shugaban kungiyar, Gwamna Bala Mohammed ya karanta a Abuja ranar Litinin.
- Za Mu Ci Gaba Da Yin Amanna Da Ku – Minista Idris Ga Ƙungiyar Super Eagles
- NIS Ta Kara Kaimin Sintiri A Arewa Maso Gabas Domin Dakile Karancin Kayan Abinci
Mohammed ya ce, gwamnonin a taron sun yi nazari kan halin da al’umma ke ciki, wahalhalun da ‘yan Nijeriya ke fuskanta sakamakon tabarbarewar tattalin arziki da tsaro da al’ummar kasar ke ciki.
Mohammed ya ce, gwamnonin sun kuma yi nazari kan abubuwan da suka faru a jam’iyyar PDP a baya-bayan nan, da kuma ganin sun jajirce wajen ganin Jam’iyyar ta ci gaba da kasancewa babbar jam’iyyar adawa mai inganci a Nijeriya.
