Hukumar jin dadin alhazai ta jihar Kaduna ta yi nasarar jigilar maniyyata fiye da 1,600 zuwa kasar Saudiyya domin gudanar da aikin hajjin bana.
Kashi na baya-bayan nan, wanda ya kunshi maniyyata 515, sun tashi ne a jiya Lahadi ta kamfanin Max Air, mai jigilar alhazan Kaduna.
- Kwastam Ta Cafke Kayan Fiye Da Naira Biliyan 3.1 A Shiyyar Kaduna
- Hajjin 2024: Ranar 10 Ga Watan Yuni Za A Kammala Jigilar Maniyyata – NAHCON
Jami’in hulda da jama’a na hukumar, Yunusa Muhammad ne ya bayyana hakan a wata sanarwa.
Ya ce, hakan ya kawo adadin maniyyata 1,612 da aka yi jigilarsu daga jihar ya zuwa yanzu.
Ya ce, a halin yanzu, an fara tantance maniyyatan da ake shirin jigila a jirgi na hudu a sansanin jigilar alhazai da ke Mando Kaduna, kuma a yau Litinin ne ake sa ran tashinsu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
