Harin da mayakan Boko Haram suka kai garin Gaidam da ke Arewacin Jihar Yobe, ya yi sanadiyyar mutuwar mutane bakwai.
Hukumar ba da agajin gaggawa ta Jihar Yobe, ta ce cikin mutane bakwai da suka rasu akwai maza shida da mace daya.
- Babu Farfesan Bogi A Jami’ar Bayero Ta Kano – Shugaban Jami’a
- Bayan Ganawa Da Mohammed Bello Koko, Ma’aikatan NPA Sun Janye Shiga Yajin Aiki
Bugu da kari, yan ta’addar sun kone gidaje tara da shaguna biyu da kuma motoci biyu.
Shugaban Hukumar Ba da Agajin Gaggawa a Jihar ta Yobe (YOSEMA), Dakta Goje Mohammed, ya ce tuni Gwamna Mai Mala Buni, ya ba da umarnin kai agajin gaggawa ga wadanda ibtila’in ya rutsa da su.
Kawo yanzu Hukumar YOSEMA ta kammala kididdigar abubuwan da ya faru kuma Gwamnan Yoben, ya ba da umarnin kai karin kayan agaji.
