Rundunar ‘yan sandan Jihar Imo ta tabbatar da mutuwar mutane uku cikin biyar da aka ruwaito cewa wasu ‘yan bindiga sun kashe a wata motar kirar Toyota Sienna mara lamba, yayin da wasu biyu suka samu raunuka daban-daban.
Rahotanni sun bayyana cewa wadanda harin ya rutsa da su na wani taro ne a Okporo da ke Karamar Hukumar Orlu a Jihar Imo, a ranar Alhamis lokacin da ‘yan bindigar suka kai harin.
- Mai Damfara Da Sunan Mace A Facebook Shiga Hannun ‘Yan Sanda A Kano
- Majalisar Gudanarwar Sin Ta Nada Sabbin Jami’an Gwamnatin HKSAR
Rundunar ta sanarwa da hakan ne ta ha nun kakakinta, Micheal Abattam, inda ya ce mutanen biyu da suka samu raunukan harbi an garzaya da su wani asibiti don ba su agaji, inda aka ajiye gawar wadanda suka mutu a dakin ajiye gawa.
Sanarwar ta ce, “Yan sanda na ci gaba da bincike, an kuma girke karin jami’an tsaro a yankin don tabbatar da tsaro.”
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
