Hukumar kashe gobara ta jihar Kano ta ce, ta samu nasarar kubutar da mutum casa’in da daya da dukiyar da ta kai naira miliyan ashirin da hudu da dubu dari tara a cikin watan Agusta.
Jami’in hulda da jama’a na hukumar kashe gobarar ta jihar Kano, Alhaji Saminu Abdullahi, ya bayyana haka a sanarwa da ya raba wa manrma labarai yau Juma’a a Kano.
- Jami’an KAROTA Sun Cafke Tirela Makare Da Giya A Kano
- Gidauniyar Dangote Da Gwamnatin Kano Za Su Yi Yaki Da Cutar Tamowa
Abdullahi ya kara da cewa, mutum goma sha daya sun mutu sannan an yi asarar kayan da kudinsu ya kai naira miliyan takwas da dubu dari uku.
Hukumar ta amsa sakon neman agaji hamsin da biyar da kuma wasu sakonnin karya guda goma sha hudu. Ya bukaci mutane su kara kula sosai lokacin da suke yin amfani da wuta a gidajensu.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
