Alkaluman da aka samu a fannin yayata shirin musamman na shagalin murnar bikin bazara na kasar Sin da kafar yada labarai ta CMG ta tsara, sun nuna cewa zuwa jiya Laraba, an samu nasarar yayata shirin a kasashen ketare, tare da kafa sabon matsayin bajinta a bangarori daban daban.
A wannan karo, kafar CMG ta samu watsa shirin shagalin cikin harsuna 82, adadin da ya karu da 14, idan an kwatanta da na shekarar 2024. Kana yawan rahotannin da kafar watsa labarai ta CGTN, dake karkashin CMG, ta watsa, dangane da shagalin bikin bazara, ya kai sau biliyan 1 da miliyan 738 a duniya, yayin da adadin kallon bidiyon shagalin ya kai miliyan 587.
- Alkaluman Watsa Shirye-Shiryen Shagalin Bikin Bazara Na CMG Na 2025 Sun Kai Sabon Matsayi
- Isra’ila Ta Dakatar da Sakin Fursunonin Falasɗinawa Duk da Yarjejeniyar Tsagaita Wuta
Ban da haka, akwai kafofin watsa labaru fiye da 3,100 na kasashe daban daban, wadanda ke da huldar hadin gwiwa da CMG, da suka shiga aikin watsa shirin shagalin a kai tsaye, ko kuma watsa rahotanni a kansa.
Haka zalika, an watsa bidiyon shirye-shirye masu alaka da shagalin bikin bazara na CMG kan manyan allunan nuna bidiyo 3,508 a birane 136 dake kasashe 87, inda adadin allunan ya karu da 223, idan an kwatanta da jimillar bara.(Bello Wang)
