Kamfanin Twitter Ya Maye Gurbin Tambarin Tsuntsu Da X

Kamfanin Dandalin Twitter ya maye gurbin tambarin tsuntsu da tambarin X a matsayin wani bangare na sake fasalin dandalin.

LEADERSHIP ta rahoto cewa, mamallakin shafin Twitter Elon Musk a baya, ya bayyana shirin sake fasalin dandalin tare da kawar da tambarin dandalin.

• Kamfanin Twitter Ya Yi Barazanar Kai Karar Meta Kan Yi Masa Kishiya Da Threads

A cikin wani rahoto da ya fitar a ranar Lahadi, Elon Musk ya ce, “Yanzu X.com ya maye gurbin twitter.com”. “Tambarin X zai maye gurbin tsuntsu”

Musk ya kuma bayyana cewa, an kawata sabon tambarin X a hedkwatar Twitter da ke San Francisco, California ta kasar Amurka.