Kyaftin din tawagar kasar Ingila, Harry Kane, ya samu rauni a wasan da kungiyarsa ta Bayern Munich ta doke abokiyar karawarta Darmstard da ci 5-2 a gasar Bundesliga ta kasar Jamus.
Kane ya kafa tarihi da kwallon da ya jefa a wasan, inda ya zama dan wasa na farko da ya zura kwallaye 31 a shekararsa ta farko a babbar gasar ta kasar Jamus.
- Ina Son Ci Gaba Da Zama Kyaftin Din Ingila Har Zuwa 2028 – Harry Kane
- Tottenham Na Neman Gift Orban Na Gent Domin Maye Gurbin Kane
Amma Eric Maximim Chuopo Moting ya maye gurbin Kane a minti na 82 bayan Kane din yaji rauni a kafarsa bayan ya dake turken raga akan kuskure.
Bayern Munich na fatan wannan rauni na Kane ba zai yi muni ba, kazalika kasar Ingila wadda take fatan ya jagorance su a wasan sada zumunta da za ta buga da kasar Brazil nan da sati daya mai zuwa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
