Gwamnan Jihar Zamfara, Dauda Lawal, ya bayyana cewar nan ba da jimawa ba ta’addancin kasurgumin dan bindiga Bello Turji zai zo karshe.
Gwamnan ya jaddada aniyar ganin cewa nan da dan lokaci kadan za a hallaka jagoran Turji.
- TY Ɗanjuma Ga Hafsoshin Tsaro: Babu Sauran Wani Uzuri, Ku Kawo Ƙarshen Kashe-kashe Kawai
- Ambaliya: Aminu Dantata Ya Bai Wa Maiduguri Tallafin Naira Biliyan 1.5
Gwamnan ya bayyana haka ne cikin wata hira da ya yi da gidan talabijin na Channels a ranar Talata.
“Da irin wannan tsari da muke da shi a kasa, na hadin gwiwa tsakaninmu (gwamnatin jiha) da ta tarayya da hukumomin tsaro, ina ba ku tabbacin cewar, lokaci kawai ake jira; za a hallaka Turji.”
Wannan na zuwa ne kwanaki bayan da dakarun sojin Nijeriya suka samu gagarumar nasara a kan ‘yan bindiga, inda suka hallaka dan bindigar da aka jima ana nema Halilu Sububu.
Sububu yana daga cikin wadanda suka addabi al’ummar jihohin Zamfara da Sakkwato.
