Yayin wani dandalin tattauna batutuwan da suka shafi tsarin lura da ruwa, da bunkasa ingancin aikin karkatar da ruwa na kasar Sin, wanda ya gudana a jiya Asabar, an bayyana wasu alkaluma da suka nuna cewa, karkashin katafaren aikin karkatar da ruwa na kasar Sin, an yi nasarar karkata ruwa har kyubik mita biliyan 76.5 zuwa arewacin kasar.
An ce karkashin wannan muhimmin aiki, an karkata ruwa daga yankunan kudancin kasar zuwa arewacin kasar, wadanda ke fuskantar yiwuwar fama da fari.
- Yawan Masu Amfani Da Manhajar Samar Da Nau’o’in Bayanai Ta Fasahar AI A Kasar Sin Ya Kai Miliyan 230
- Atiku Ya KarÉ“i BaÆ™uncin Peter Obi A AdamawaÂ
Bayanai sun shaida cewa, aikin ya amfani sama da mutane miliyan 185, ya kuma samar da ruwa ga manya da matsakaitan biranen kasar Sin har 45, dake kan hanyoyinsa guda biyu.
A bana ne ake bikin cikar wannan muhimmin aiki na karkatar da ruwa daga kudu zuwa arewacin Sin shekaru 10 da kaddamarwa. An kuma tsara zai kasance mai hanyoyi 3, wato hanyar tsakiya, da ta gabashi da yammaci.
Da yake tsokaci game da aikin, shugaban kamfanin dake aiwatar da shi Wang Annan, ya shaidawa dandalin na jiya Asabar cewa, aikin kyautata hanyar ruwan ta tsakiyar kasar Sin na gudana yadda ya kamata, kana makamancinsa na hanyar gabashi da kwarya-kwaryar aikin na hanyar yammaci, su ma suka ci gaba yadda ya kamata.
A cikin watanni 10 na farkon shekarar bana, jarin da kasar Sin ta zuba a ayyukan tsumin ruwa ya kai kusa kudin kasar yuan tiriliyan 1.09, kwatankwacin dalar Amurka biliyan 151.66, adadin da ya karu da kaso 11.7 bisa dari kan na shekarar da ta gabata. (Mai fassara: Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
