Duk wani mutum ya kan iya jin cewa, kauna mai matukar zurfi tana samuwa daga mahaifiyarsa. A wajen shugaban kasar Sin Xi Jinping ma, abun haka yake.
Saboda a lokacin da yake girma, mahaifiyarsa Qi Xin ta ba shi kulawa da nuna masa kauna sosai.Ban da haka, Qi Xin ta taba aiki a matsayin wata mai gwagwarmaya, wadda ta samar da gudunmowa ga juyin-juya hali na gurguzu a kasar Sin.
Ta taba kwashe dimbin shekaru tana aiki a yankunan karkara, inda ta kulla huldar abota tare da manoman wuraren.Sa’an nan, yadda mahaifiyarsa take kaunar jama’a da manoma shi ma ya yi tasiri kan Xi Jinping, har ma ya sa shi zama wani shugaba mai son jama’a.
Har kullum, wani ra’ayi mai muhimmanci da Xi Jinping ya rike shi ne, ya kamata a nuna kauna ga jama’a, daidai kamar yadda ake kaunar iyaye. A ganinsa nasara mafi girma da wani jami’in gwamnati zai iya samu ita ce samar da alfanu ga al’umma. (Bello Wang)
