Kotun Daukaka Kara Ta Dawo Wa Da Aishatu Binani Takararta Ta Gwamna A Adamawa

Wata kotun daukaka kara mai zaman kanta a birnin Yola ta Adamawa ta tabbatar da Aishatu Dahiru Binani a matsayin halastacciyar ‘yar takarar gwamnan jihar a karkashin jam’iyyar APC.

Kotun da mai shari’a Tanko Yusuf Hassan ya jagoranta ta yi watsi da hukuncin wata kotun tarayya da ta soke takarar Aishatu Binani ta sanar da cewa APC ba ta da dan takara a zaben 2023.

A lokacin sanar da hukuncinsa, alkalin ya umarci a mika sunan Binani ga hukumar zabe mai zaman kanta ta kasa INEC, a matsayin ‘yar takarar gwamnan APC a Adamawa.