Mutane 5 ne suka mutu, wasu 60 kuma na kwance a asibiti sakamakon wata mummunar cutar kwalara da ta ɓulla a jihar Legas, lamarin da ya shafi ƙananan hukumomin Eti Osa, Legas Island, da Ikorodu, da kuma Kosofe.
Kwamishinan lafiya na jihar Legas, Farfesa Akin Abayomi, ya bayyana cewa jihar na cikin shirin ko-ta-kwana, inda ake hasashen yiwuwar yaɗuwar cutar kwalarar.
- ‘Asibitoci Na Bin Bashin Kudaden Ayyukan Sashen Gaggawa Naira Biliyan 200’
- Gwamnati Ta Rufe Kwalejin Kiwon Lafiya 8 A Adamawa
Jihar ta kara sa ido da zama cikin shirin tare da gudanar da bincike kan gurɓatar ruwa a yankunan Lekki da Victoria Island.
Farfesa Abayomi ya jaddada mahimmancin tsaftataccen ruwan sha, da tsaftar muhalli, da tsaftar muhalli don hana cutar kwalarar saurin yaɗuwa.
An shawarci ƴan ƙasa da su kai rahoton waɗanda ake zargin sun kamu da cutar ta hanyar layukan gaggawa da kuma bin umarnin ma’aikatar Lafiya ta Jihar Legas da Cibiyar kula da Cututtuka ta Najeriya.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp