Kwamishinan Yobe, Goni Bukar, Ya Rasu A Hadarin Mota

Kwamishinan Matasa da Wasanni na Jihar Yobe, Hon. Goni Bukar Lawan, (BUGON) ya rasu a wani hadarin mota da ya rutsa da su a hanyar Damaturu zuwa Kano.

Goni Bukar, wanda tsohon dan majalisar wakilai ne, wanda aka fi sani da BUGOM, ya rasu ne a daren ranar Talata a hanyarsa ta zuwa jihar Kano.

• Gwamnatin Yobe Ta Yi Wa Takin Zamani Farashi A Kan N13,000

Wata majiya ta shaida wa LEADERSHIP cewa marigayin ya halarci wata sallar jana’izar da aka yi a Damaturu, babban birnin jihar Yobe a yammacin ranar Talata, kafin ya wuce zuwa Kano.

Za a yi jana’izarsa a ranar Laraba a Damaturu babban birnin Yobe.

Ya rasu ya bar mata biyu da ‘ya’ya.