Kyautar CAF ta 2023: Super Falcons Ta Lashe Kyautar Tawagar Mata Mafi Kwazo A Afirka.

Tawagar Super Falcons ta Nijeriya ta lashe kyautar tawagar kwallon mata mafi kwazo a Afirka a bikin bayar da kyautar CAF ta 2023 da aka yi a Morocco a daren Litinin.

Wannan kyautar ta biyo bayan rawar da tawagar suka taka a gasar cin kofin duniya ta mata ta ‘FIFA 2023’ a Australia da New Zealand.

Tawagar Super Falcons sun kai zagaye mai kasashe 16 a gasar kofin Duniya ta mata kafin kasar Ingila ta fitar dasu.