Libya Ta Amince Da Dakon Iskar Gas Ta Nijeriya Zuwa Turai

Gwamnatin hadin kan kasa ta Libya ta amince bututun iskar gas na Nijeriya ya bi ta Kasarta zuwa Turai.

A cewar ministan mai da iskar gas na Libya, Mohammed Aoun, ya ce Nijeriya za ta samu ragowar Kilomita 1,000 idan ta bi ta kasar Libya maimakon ratsawa ta Kasar Algeria da Morocco zuwa kasuwannin turai, hakan zai rage farashin iskar gas da kuma na sufuri.

• Nijeriya Da Morocco Za Su Sanya Hannu Kan Kulla Yarjejeniyar Aikin Bututun Iskar Gas

Sai dai Libya na fuskantar kalubale da dama don cimma wannan aiki; daga tsaro, kudi, fasaha da kalubalen kasuwanni a Duniya.

A cikin watan Yunin da ya gabata ne aka sanar da shirin fara aikin bututun iskar gas na Nijeriya zuwa kasar Libya.