Ma’aikatar Shari’a Ta Jigawa Ta Nada Alkalan Kotun Shari’a 19 Tare Da Karin Girma Ga Ma’aikata 157

Hukumar kula da harkokin shari’a ta jihar Jigawa ta amince da nadin sabbin alkalan kotunan shari’ar musulunci guda 19.

Hakan na kunshe ne a cikin wata sanarwa da Daraktan yada labarai na hukumar, Alhaji Abbas Wangara ya fitar a Dutse ranar Asabar.

• MOFA: Kasar Sin Na Son Sanya Sabon Kuzari A Ci Gaban Tattalin Arzikin Yankin Asiya Da Tekun Fasifik Da Ma Duniya
• Wasu Muhimman Abubuwa Da Ba A Sani Ba Game Da Kwakwalwa

Wangara ya ruwaito sakataren hukumar, Alhaji Auwal Dan’azumi yana cewa, hukumar ta kuma karawa ma’aikata 157 girma.

Sanarwar ta kuma bayyana nadin Nazir Habu a matsayin mukaddashin daraktan kudi na babbar kotun shari’a bayan ritayar tsohon daraktan wanda ya kai shekaru 35 yana aiki.