Sabon mataimakin dan takarar shugaban kasa na jam’iyyar LP, Doyin Okupe, ya ce shirin hadewar Jam’iyyar NNPP da LP maganar ta rushe.
Ya bayyana hakan ne a wani shirin Siyasa na kamfanin yada labarai na talabijin na channels a jiya Talata, inda ya kara da cewa an kawo karshen yunkurin Hadewar Jam’iyyun ne tun makonni Hudu da suka gabata.
Okupe ya yi shagubin cewa, Kwankwaso ya ki amincewa ya zama mataimakin shugaban kasa ga Obi ba tare da wani babban dalili ba sai dai kawai cewa “Ni dan Arewa ne”.
”Ni na jagoranci bangarenmu na LP a wannan tattaunawa, daga lokacin da na nuna ma bangarenm kwankwaso cewa yanzu lokaci ne da ya kamata a mika mulki ga yankin kudancin Nijeriya, sai suka ki amincewa. Daga nan, ba wata ja-in-ja na nuna musu hadewar jam’iyyun ba za ta yiwu ba.” in ji Okupe.
