Mahaifiyar Murja Kunya Ta Koka Kan Ƙoƙarin Yi Wa ‘Yarta Allurar Mahaukata

Mahaifiyar fittaciyar ‘yar Tiktok din nan Murja Kunya ta koka bisa yanda likitocin asibitin kwakwalwa da ke Dawanau suka yi kokarin yi wa yarta allura duk da babu abunda yake damunta.

Hadizatul Kubra ta bayyana hakan a wata tattaunawa da ta yi da manema labarai a wani sautin muryar ta da ke ci gaba da yaduwa a kafofin sada zumunta.

• Rikita-rikitar ‘Yar Tiktok Murja Kunya Da Hukumar Hisba A Kano
• Zargin Baɗala: Kotu Ta Umarci A Binciki Lafiyar Ƙwaƙwalwar Murja Kunya

Hadiza ta ce, ta garzaya asibitin ne don gane wa idonta halin da ‘yarta ke ciki, Inda ta tarar ana kokarin yi mata allurar mahaukata.

“Bazan taba yarda a yi wa ‘yata allura ba don na san so suke su kashe mun ita” cewar Hadiza.

Kotu ce ta umarci a yi wa Murja gwajin kwakwalwa don tabbatar da lafiyarta kafin a ci gaba da shari’a da ita a ranar 20 ga watan Mayu 2024.