Wani abin fashewa da ake zargin nakiya ce aka dasa a gidan rediyon ‘Wish FM’ da kuma gisan talabijin na ‘Atlantic’ da ke a garin Fatakwal a Jihar Ribas, ya fashe.
Lamarin wanda ya auku a daren ranar Talata ya faru ne biyo bayan wani hari da ‘yan bindiga suka kai.
- Canjin Kudi: Kotun Koli Za Ta Ci Gaba Da Sauraren Karar Da Gwamnoni Suka Shigar
- An Ceto Mutane 12 Daga Hatsarin Mota, Wasu Sun Kone Kurmus A Ebonyi
Harin ya auku ne daidai lokacin da wasu ‘yan bindiga suka kai hari a gidan Tony Gboms, dan takarar majalisar wakilai a jam’iyyar SDP duk a daren ranar ta Talata.
LEADERSHIP ta lura da cewa, gidan rediyon na Wish FM da gidan talabijin na Atlantic, wanda mallakin Hon. Chinyere Igwe, dan majalisar wakilai kuma daya daga cikin magoya bayan takarar, Atiku Abubakar na jam’iyyar PDP.
Igwe, wanda ya tabbatar da kai harin a hirarsa da manema labarai, ya ce harin ya lalata janaretan samar da wutar lantarki
“Mun sanar da ‘yansanda kan kai harin, inda aka turo jami’an ‘yansanda sun zo sun duba lamarin kuma suna kan bincike yanzu haka,” in ji shi.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
