Mamallakin Tashar Talebijin Ta AIT, Raymond Dokpesi Ya Rasu A Abuja

Gogagge dan jarida kuma shugaban kamfanin sadarwa na DAAR communication da gidan Talebijin na AIT da Radiyon Raypower, High Chief Raymond Aleogho Anthony Dokpesi, ya kwanta dama.

Dokpesi ya rasu a ranar Litinin 29 ga watan Mayun 2023.

• Allah Ya Yi Wa Jarumin Kannywood, Mai Mala Rasuwa

An bayyana rasuwar marigayin a wata sanarwa da iyalansa suka fitar dauke da sanya hannun babban dansa, Raymond Dokpesi (JNR).

Iyalan marigayin sun misalta shi a matsayin jigo, Uba kuma aboki ga dubban jama’a.