Manyan ‘Yan Majalisar Birtaniya Sun Yi Mubaya’a Ga Sabon Sarki, Charles

Manyan ‘Yan Majalisar Birtaniya ciki har da Firaiminista Liz Truss sun yi mubaya’a ga Sabon Sarki Charles III a wani zama na musamman da majalisar kasar ta yi.

Kakakin Majalisar Wakilan Birtaniya, Lindsay Hoyle, ne ya bude zaman bayan yin mubaya’a, bayan nan sai kuma Sir Peter Bottomley, wanda shi ne dan majalisa da ya fi dadewa a majalisar.

• Auren Da Nake Buri
• ‘Yar Shekara 13 Ta Haddace Tare Da Rubuta Alkur’ani A Katsina

Hoyle, ya bayyana cewa sakamakon karancin lokaci, ‘yan majalisa k alilan ne kawai za su iya yin mubaya’ar.

Truss na daga cikin wadanda suka yi mubaya’ar inda suka rantse cewa za su yi biyayya ga sabon sarki Charles III da magadansa kamar yadda doka ta tanada.