Wasu masallata sun kubuta a ranar Lahadin da ta gabata a lokacin da wani dan kunar bakin wake dauke da bam a jikinsa akan hanyarsa ta zuwa Masallacin, Bam din ya tarwatse da shi.
Da take tabbatar da faruwar lamarin a cikin wata sanarwa da ta fitar a ranar Litinin, rundunar ‘yansandan jihar Borno ta bayyana cewa, an kai harin kunar bakin waken ne a karamar hukumar Biu.
- Bayan Kwance Alakar Soji Da Faransa, Nijar Ta Sake Raba Gari Da Sojin Amurka
- ‘Yan Bindiga Sun Kashe Wani Basarake Bayan Garkuwa Da Shi A Jihar Bauchi
Baya ga dan kunar bakin waken, harin ya kuma jikkata wasu mutane biyu da ke gefen hanya.
Jami’in hulda da jama’a na rundunar ‘yansandan jihar, ASP Daso Nahum, ya tabbatar wa kamfanin dillancin labarai na kasa (NAN) da afkuwar lamarin a ranar Litinin.
Nahum ya ce, lamarin ya faru ne da misalin karfe 8 na daren ranar Lahadi a lokacin da masallatan ke gudanar da sallar dare.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
