Cibiyar nazarin fasahar sadarwa ta kasar Sin ta bayyana cewa, an samu bunkasa sosai a fannin kere-keren fasahar kirkirarriyar basira (AI) ta kasar Sin, inda yawan kamfanonin bangaren ya zarce 5,300 a watan Satumba, wanda ya kai kashi 15 cikin 100 na dukkan adadin na duniya baki daya.
Mizanin kudin masana’antar ya zarce yuan biliyan 900 (kimanin dalar Amurka biliyan 126.7) a shekarar 2024, inda aka samu karuwarsa da kashi 24 cikin dari a ma’aunin shekara-shekara.
Bangaren fasahar AI na kasar ya kafa cikakken tsarin masana’antu wanda ya kunshi tun daga kan kayayyakin aiki da ake bukata, zuwa fasalin abubuwan da za a aiwatar, da kuma manhajojin aikace-aikacen masana’antu.
Cibiyar ta kara da cewa, kayayyakin manhajoji na zahiri da ake kerawa wadanda ake ganin ayyukansu a wayoyin hannu, da kwamfutoci da motoci masu amfani da fasahar AI suna samun ci gaba cikin sauri. (Abdulrazaq Yahuza Jere)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
