Mashawarcin Gwamna Tambuwal, Gidado Ya Fice Daga Jam'iyyar PDP Zuwa APC

Ibrahim Gidado, mashawarcin Gwamnan jihar Sakkwato Aminu Tambuwal, ya fice daga Jam’iyyar PDP zuwa APC.

Mai magana da yawun Sanata Aliyu Wamakko, Bashar Abubakar ne ya bayyana hakan a cikin sanarwar da ya fitar a yau lahadi inda ya kara da cewa jagoran APC a jihar ne ya karbi Ibrahim Gidado a yau lahadi.

Atiku Abubakar, Saraki, Tambuwal Da Bala Kaura Sun Taya Adeleke Murnar Lashe Zaɓen Osun

Gidado ya shelanta cewa ya canza sheka zuwa APC ne saboda PDP reshen jihar ba ta da alkibla da kuma rashin aminci a tsakanin shugabanninta na jihar.

Gidado tsohon dan Majalisar Dokoki ne a jihar Sokoto, inda ya wakilci mazabar Sokoto ta kudu.

Ya yi kira ga Shugabanni APC a jihar da su hada karfi da karfe don a ceto jihar Daga hannun Gwamnatin PDP a jihar musamman ganin cewa Gwamnatin Tambuwal ta Gaza cika alkawuranta.

Labarai Masu Nasaba

Shehu Sani Ya Buƙaci Shugabannin Arewa Su Mara Wa Tinubu Baya Ya Yi Shekaru 8 A Kan Mulki

Babu Wanda Zai Iya Kora Ta Daga PDP — Wike

A na sa jawabin Wamakko ya yaba wa Gidado kan yanke shawar ficewa daga PDP Inda ya ba shi tabbacin cewa za a yi masa adalci a Jamiyyar APC.

Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe

Shiga zaurenmu na WhatsApp