Mun Dakile Hari A Kano Da Ka Iya Zama Mafi Muni A Tarihin Nijeriya —Irabor

Babban Hafsan Tsaro na Nijeriya Janar Lucky Irabor ya bayyana cewa, Jami’an tsaro sun dakile wani yunkurin kai hari a Jihar Kano, “wanda ka iya zama mafi muni a Tarihin Kasar”.

Janar Irabor wanda ya bayyana hakan a ranar Lahadi yayin da ake tattaunawa da shi cikin wani shiri kan Ranar Dimokuradiyya a kafar talabijin ta Channels TV, ya ce an dakile harin ne a Kano cikin makon da aka kai hari a cocin garin Owo ta Jihar Ondo, wanda ‘yan bindiga suka bude wa masu ibada wuta tare da kashe mutum fiye da 40.

• 2023: Za Mu Samar Wa Da Tinubu Kuri’a Miliyan 1 A Jihar Ribas —Abe

“Babu mamaki ba ku da labari cewa a makon da ya wuce kadai da aka kai harin coci a Owo, a Kano misali, mun yi nasarar dakile harin da ka iya zama mafi muni a kasar nan tamu saboda bayanan sirri da muka samu,” in ji shi.

“A wannan aikin, mun gano kayayyakin da ake hafa abubuwan fashewa da su. Mun kwace kunshin makamai masu yawan gaske da ‘yan ta’ada ke kokarin yin amfani da su a sassan kasar nan, har da Abuja.”

Janar Irabor ya kara da cewa an samu karin tsaro a Kasar acikin Shekara Daya da ta gabata fiye da shekarun baya

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi