Murdyk Ya Jefa Kwallonsa Ta Farko A Chelsea A Karawarsu Da Fulham

Chelsea ta samu nasara a wasanta na biyu a gasar Firimiyar Ingila ta bana bayan lallasa Fulham da ci 2-0 har gida.

Abinda kuma ya kara kawata wannan nasarar da Chelsea ta samu shi ne jefa kwallon da Mykhailo Murdyk ya yi wadda ta kasance ta farko tun bayan zuwansa kungiyar ta London.

• Newcastle Ta Kori Manchester City A Gasar League Cup Ta Kasar Ingila
• Antony Zai Iya Buga Wasan Man United Da Galatassary

Mudryk ne ya fara jefa kwallo a ragar Fulham.

Wannan ce kwallonsa ta farko tun bayan da Chelsea ta saye shi kan kudi fam miliyan 89 a watan Janairu daga Shakhtar Donetsk.

Broja ya kara ta biyu a ragar Fulham a karon farko tun watan Oktoban 2022 sakamakon raunin da ya samu a gwiwarsa, yayin da Chelsea ta koma matsayi na 11 a gasar Premier.