Akalla mutane 132 ne suka mutu a wata girgizar kasa da ta afku a wani yankin Nepal a jiya Asabar, yayin da jami’an tsaro suka yi gaggawar kai daukin ceto.
Hotunan bidiyo da hotuna da aka yada a shafukan sada zumunta sun nuna yadda mutanen yankin ke tona baraguzan gine-gine a cikin duhu don ceto wadanda ke da sauran numfashi acikin baraguzan gidaje da gine-gine da suka ruguje.
Gidaje da dama sun lalace yayin da jami’an kai daukin gaggawa ke ta kokarin ceto wadanda lamarin ya rutsa da su.
