Mutum 3 Sun Rasu, 15 Sun Jikkata A Wani Hadarin Mota A Hanyar Kano

Mutane 3 ne aka rahoto sun rasu, yayin da wasu 15 suka jikkata a wani hadarin mota da ya afku a karamar hukumar Takai a jihar Kano.

Hukumar kashe gobara ta jihar Kano ta tabbatar da faruwar lamarin ta bakin kakakinta, Saminu Yusuf Abdullahi a ranar Lahadi.

• Jami’in Kasar Sin Ya Yi Gargadi Game Da Hadarin Sake Tsunduma Sabon Yakin Cacar Baka

Ya ce hadarin ya hada da wata mota kirar Toyota Hilux mai dauke da mutane uku daga jihar Jigawa da wata motar bus dauke da mutane 15 daga Kano.

A cewarsa, nan take bayan da motocin suka yi karo, motar bus din ta kone kurmus bayan ceto wadanda abin ya rutsa da su, sai dai an rahoto cewa sauran fasinjoin sun samu raunuka daban-daban.

“Bayan samun labarin, mun aika da tawagarmu cikin gaggawa zuwa wurin da hadarin ya afku domin ceto.