Wani mutumin da ya yi matukar tasiri kan shugaban kasar Sin Xi Jinping shi ne mahaifinsa Xi Zhongxun. Dukkansu, wato shugaba Xi da mahaifinsa, sun taba aiki a matsayin manoma, inda kwarewarsu a fannin aikin gona ta sa su samun yabo daga abokan aiki.
Dukkansu sun taba shiga ungwanni don gudanar da bincike kan ayyukan hukumomin gwamnati da sauraron ra’ayin jama’a. Kuma dukkansu sun yi alkawarin bautawa al’umma.Mahaifin Xi Jinping, ya taba tunatar da shi cewa, “Ko da ka zama babban jami’i, kada ka manta da kokarin samar da hidimomi ga jama’a.
Ya kamata ka ba su kulawa, da cudanya tare da su, ba tare da nuna girman kai ba.”Wannan magana ta nuna kaunar uba ga dansa, kuma ta shaida yadda ‘yan jam’iyyar Kwaminis ta kasar Sin suke son jama’a. (Bello Wang)
Discussion about this post