Wata mata mai suna Maryum a birnin Plymouth wacce ta taso cikin addinin kiristanci ta musulunta bayan ta karanta Al-Qur’ani mai girma sau hudu a wata daya.
Maryum tace, musuluntarta ta kada hantar ‘yan’uwanta da abokai, inda har kakar ta ke bayyana musuluntar ta a matsayin na wani dan lokaci.
Yunkurin Maryum na shiga musulunci ya fara ne bayan ta fara karantar wasu abubuwa a cikin sauran addinai a cocin da take zuwa. Sai dai, hirar da tayi da wani mai gyaran wuta wanda yazo yi mata gyara a gida bayan fashewar bam din birnin Manchester ya sanya ta kara samun karfin gwiwar yin bincike sosai akan addinin musulunci. Inji Shafin The Islamic information
Ina duba wayata sai nayi sharhi da cewa ‘wannan yayi muni da yawa’ sai yace min kina tunanin musulman kwarai haka suke? Sai na ce masa ban san wani musulmi ba.
Hakan ya sanya Maryum yin bincike akan addinin musulunci. A watan azumin Ramadan da ya gabata, Maryum ta karanta Al-Qur’ani sau hudu mai fassara, sannan kuma ta kara yin bincike kan wuraren da bata fahimta ba.
