Hukumar hana sha da fataucin miyagun ƙwayoyi ta ƙasa (NDLEA) a Jihar Kano, ta bayar da shawarar tilasta yin gwajin ƙwayoyi ga ma’auratan a wani mataki na rage shaye-shayen miyagun kwayoyi a jihar.
Kwamandan NDLEA a Kano, Mista Abubakar Idris-Ahmad ne, ya bayyana haka inda ya ce gwajin ƙwayoyin zai zama wani mataki na rigakafin shan muggan kwayoyi da kuma gano ko ma’aurata suna ta’ammali da miyagun ƙwayoyi domin samun magani da gyara da ya dace.
- JAMB Ta Bankaɗo Ɗalibai 3000 Da Suka Kammala Karatun Bogi
- Masu Garkuwa Sun Kashe Ɗan Alƙaliya, Sun Nemi Miliyan 300 Kafin Sako Ragowar Ƴaƴan
Ya ce akwai buƙatar dokar da aka tsara na gwajin domin magance yawaitar matsalar auratayya da kuma rage shaye-shayen miyagun kwayoyi a tsakanin ma’auratan.
Ya yi kira ga majalisar dokokin jihar, da ta samar da dokar da za ta buƙaci a yi gwajin miyagun ƙwayoyi kafin aure.
Kwamandan, ya yi kira ga mata da matasa da sauran jama’a da su guji shaye-shayen miyagun ƙwayoyi da haɗa kai domin ciyar da jihar da ƙasa gaba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
