Jam’iyyar New NNPP ta dakatar da Dr. Abdullahi Baffa Bichi, Sakataren Gwamnatin Jihar Kano, da Muhammad Diggol, Kwamishinan Sufuri. Wannan matakin ya biyo bayan korafe-korafen shugabannin mazaɓu da ƙananan hukumomi kan rashin girmama shugabancin jam’iyyar.
Hashimu Sulaiman Dungurawa, shugaban jam’iyyar na jihar, ya bayyana cewa ba za a lamunci duk wani abu da zai raunana tsarin shugabancin jam’iyyar ba. Bayan da aka tabbatar da korafe-korafen, jam’iyyar ta yanke shawarar daukar wannan matakin.
- Zaben Kananan Hukumomin Kano: ‘Yan Takara 400 Na Tururuwar Kamun Kafa A NNPP
- Kimanin ‘Ya’yan Jam’iyyar APC 1,000 Sun Sauya Sheƙa Zuwa NNPP A Kano
Wannan ya faru ne jim kaɗan bayan kakakin gwamnan jihar Kano, Sanusi Bature Dawakin Tofa, ya sanar da sulhu tsakanin Baffa Bichi da Hamza Sule Maifata, ɗan takarar shugabancin ƙaramar hukumar Bichi.
