NRC Ta Dakatar Da Zirga-Zirgar Jiragen Kasa A Nijeriya Zuwa Bayan Zaben Shugaban Kasa

Hukumar kula da sufurin jiragen kasa ta Nijeriya (NRC) ta sanar a jihar Legas a ranar Talata cewa, za ta dakatar da zirga-zirgar jiragen kasa daga ranar Asabar 25 ga watan Fabrairu zuwa Litinin 27 ga watan Fabrairu.

Mai magana da yawun NRC, Mahmood Yakubu, ya bayyana cewa, an dakatar da zirga-zirgar ne domin baiwa ‘yan Nijeriya damar gudanar da zaben shugaban kasa da na ‘yan majalisun tarayya da za a gudanar a ranar 25 ga watan Fabrairu.

• Tsohon Daraktan Yakin Neman Zaben Tsohon Gwamnan Bauchi Ya Koma Labour Party

Zirga-zirgar jirgin kasan da za a dakatar sun hada da Abuja-Kaduna, Warri- Itakpe, Legas-Ibadan, Iddo da Legas-Ijoko.

Yakubu ya bayyana cewa za a ci gaba da zirga-zirgar jiragen kasa na yau da kullun daga ranar Talata 28 ga watan Fabrairu.