Tsohon shugaban kasa Olusegun Obasanjo ya fito fili ya amince da dan takarar shugaban kasa na jam’iyyar Labour Party (LP), Peter Obi, a matsayin dan takararsa gabanin zaben watan Fabrairun 2023.
Obasanjo ya bayyana hakan ne a cikin sakonsa na sabuwar shekara mai taken ” kirana ga daukacin ‘yan Nijeriya musamman Matasa”
Tsohon shugaban kasar ya bayyana cewa babu daya daga cikin ‘yan takarar shugaban kasa da yake wankakke daga kurakurai, amma idan aka kwatanta ta fuskar ilimi da biyayya da kuma abin da za su iya aiwatarwa na daga hikimar da ubangiji ya basu, Obi yana da fifiko a kan dukkansu.
LEADERSHIP ta tuna cewa a zaben 2019, Obasanjo ya goyi bayan tsohon mataimakinsa Atiku Abubakar kan shugaban kasa Muhammadu Buhari mai mulki yanzun.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
