Victor Osimhen da Asisat Oshoala suna cikin jerin sunayen ‘yan takara na karshe a gasar Globe Soccer Awards na 2023 a bangaren maza da mata.
Osimhen, wanda a ranar Litinin din da ta gabata ya zama gwarzon dan wasa a Afirka, yana cikin ‘yan wasa 11 da za su fafata a gasar ta maza.
- Hajjin 2024: NAHCON Ta Kaddamar Da Kwamitin Tantance Kamfanonin Jiragen Aikin Hajji
- NLC Ta Yi Barazanar Sake Shiga Yajin Aiki
Osimhen na neman zama dan wasa na farko a Afirka da zai lashe kyautar gwarzon dan wasan maza a kyautar Globe Soccer.
‘Yar wasan gaban Barcelona Femeni ta lashe kyautar gwarzuwar ‘yar wasan CAF karo na bakwai a daren Litinin a birnin Marrakech na kasar Morocco.
Za a gudanar da bikin bayar da lambobin yabo a ranar 19 ga watan Janairu, 2024 a Dubai.
