Real Madrid Ta Dawo Matsayi Na 2 A Laliga Bayan Yin Canjaras Da Vallecano

Kungiyar kwallon kafa ta Real Madrid ta koma matsayi na biyu akan teburin Gasar Laliga ta kasar Sifaniya bayan yin canjaras da Rayo Vallecano a Santiago Bernebeau.

Madrid wacce take matsayi na daya tun bayan doke abokiyar hamayyarta Barcelona a satin da ya gabata, ta koma ta biyu bayan kasa doke Vallecano a ranar Lahadi.

Vinicius Junior ya jefa kwallo a minti na 66 na wasan amma na’urar VAR ta soke cin bayan dogon bincike.