Remi Tinubu Ta Bada Gudunmawar Naira Biliyan 1 Ga Wadanda Ambaliyar Ruwan Neja Ta Shafa

Uwargidan shugaban Nijeriya, Sanata Remi Tinubu ta bayar da gudummawar Naira biliyan 1 don tallafawa wadanda bala’in ambaliyar ruwa ya shafa a karamar hukumar Mokwa da ke jihar Neja.

An bayar da gudummawar ne a ƙarƙashin muradun gwamnatin Tinubu na sabunta fata wanda uwargidan shugaban kasa ta jagoranci kaddamarwa a jihar domin aikin agaji.

A yayin ziyarar jaje da ta kai jihar a ranar Talata, uwargidan shugaban kasar ta gabatar da kudin da kayan agajin ga gwamnan jihar Neja, Mohammed Umaru Bago a Minna, babban birnin jihar.

Cikakken bayanai daga baya…