Irin Ridi, Citta da Zoborodo na kan gaba a cikin amfanin da ake fitar wa zuwa waje daga tashar Jirgin Ruwa ta Apapa da ke a jihar Legas, inda aka kiyasta kudin su ya kai Naira biliyan 70.2l.
Kwantirolan hukumar hana fasa kauri na rundunar ta Apapa, Auwal Mohammed ne ya bayyana hakan a taron manema labarai da rundunar ta gudanar.
- INEC Ta Raba Muhimman Kayyayakin Zabe Don Kammala Zaben Gwamnan Kebbi
- Masanin Tattalin Arziki: Kasar Sin Ce Karfin Ci Gaban Tattalin Arzikin Duniya
Mohammed ya kara da cewa, wadannna amfanin da ake fitar da su zuwa ketare, an fitar da jimlar tan 110,448 zangon farko na shekarar 2023.
Kwantirolan ya bayyana cewa, rundunar ta kuma kwace maganin tramadol na kimanin miliyan 144 da kudinsu ya kai Naira 22, inda ya kara da cewa, an shigo da magnin ne daga kasar Indiya zuwa cikin kasar nan a watan Maris din wannan shekarar.
