Sabuwar Dokar Kasar Sin ‘Za Ta Inganta Tsarin Kariya Na Kasashen Waje’

Kakakin ma’aikatar harkokin wajen kasar Sin ya bayyana a yau Talata cewa, kasar Sin ta zartas da wata doka da za ta kyautata tsarin kariya na kasashen waje a kasar Sin, inda ta tanadi dokokin da kotunan kasar Sin za ta bi wajen gudanar da shari’ar farar hula da suka shafi wata kasa da kadarorinta.
Kakakin ya bayyana hakan ne yayin da yake amsa tambaya game da dokar kare hakkin kasashen waje na kasar Sin, wadda zaunannen kwamitin majalisar wakilan jama’ar kasar Sin ya yi nazari a kai tare da zartar da shi a wani zama na baya-bayan nan. Dokar ta daidaita matsayin kasar Sin na baya-bayan nan na tabbatar da cikakkiyar kariya ga kasashen waje, ta kuma ba da izinin ga kotuna a kasar Sin su saurari kararrakin da suka shafi kasashen waje.

• Firaministan Kasar Sin Zai Halarci Taron Kolin G20 Karo Na 18

Dokar ta tabbatar da ainihin ka’idar cewa wata kasa da kadarorinta na da kariya a kasar Sin, a sa’i daya kuma ta kebance abubuwan da ba su shafi ‘yancin kai na wata kasa ba, wadanda kotunan kasar Sin za su iya yanke hukunci a karkashinsu, kamar shari’o’in da suka shafi sabani da suka taso daga wani aiki na kasuwanci, ko raunin da ya shafi mutum da lalacewar dukiya, in ji kakakin. (Yahaya)