Dan wasan gaban kasar Ingila mai buga wasa a kungiyar kwallon kafa ta Arsenal, Bukayo Saka, ya jefa kwallo ta biyu kuma mai kayatarwa a wasan da Arsenal ta doke Wolverhampton Wanderers a filin wasa na Emirates Stadium.
Wasan wanda shi ne na farko da duka kungiyoyin biyu suka fara bugawa a sabuwar kakar wasa ta bana, ya matukar kayatar da masu sha’awar kallon kwallon kafa musamman magoya bayan Arsenal.
- Sin Ta Samu Ci Gaba A Fannin Raya Jarin Fasahohin Kere-Kere Da Kaso 10.9% A Watanni 7 Na Farkon Bana
- Dalilan Amai Da Gudawa Na Yara Lokacin Fitar Hakori
Arsenal ta fara wannan kakar kwallon kafa da kafar dama, inda nasarar da ta samu a gida ya sa ta koma matsayi na biyu a kan teburin gasar Firimiya Ingila.
Brighton And Hove Albion ce ta ke jan ragamar gasar Firimiyar a halin yanzu bayan da zazzaga kwallaye uku a gidan Everton.
