Shahararrun Mutanen Da Suka Halarci Bikin Auren ‘Yar Kwankwaso

Mataimakin Shugaban Kasa Kashim Shettima, da tsohon Shugaban Ƙasa Olusegun Obasanjo, da tsohon Mataimakin Shugaban Ƙasa Atiku Abubakar sun halarci bikin auren ‘yar Injiniya Rabiu Kwankwaso a Kano.

Gwamnan Jihar Kano, Abba Yusuf, tare da mataimakinsa, Aminu Gwarzo, sun tarɓi manyan baƙin a filin Jirgin Sama na Malam Aminu Kano kafin su wuce Fadar Sarkin Kano don bikin.
Yadda Masu Kiwon ‘Yan Tsakin Gidan Gona Ke Ganin Tasku A Kano
Me Ya Faru Gwamna Abba Yusuf Ya Daina Ɗaukar Wayar Kwankwaso?

Bikin da aka gudanar a fadar Sarkin ya haɗa manyan mutane daga ɓangarori daban-daban na siyasa, ciki har da mambobin jam’iyyun APC, PDP, da NNPP. Tsoffin gwamnoni guda bakwai, ciki har da Lucky Igbinedion da Isa Yuguda, sun isa Kano tun ranar Juma’a domin nuna girmamawa ga iyalan Kwankwaso.

Haka zalika, Gwamnan Jihar Katsina Umar Dikko Radda da fitattun malamai kamar Sheikh Bala Lau da Sheikh Kabir Gombe sun halarta.

Bikin ya zama wani lokaci kamar na haɗin kai, inda shugabanni daga sassa daban-daban da jam’iyyun siyasa suka hallara don murnar wannan muhimmin biki.