Babban Khalifan Darikar Tijjaniya na duniya, Shehu Tijjani, ya ba Dan takarar shugaban kasa na jam’iyyar APC, Asiwaju Bola Ahmed Tinubu, mukamin Babban Khadi na darikar.
An nada Tinubu wannan mukamin yayin da ya halarci taron Mauludin Duniya da aka gabatar a Nijeriya na Jam’iyyatul Ansarul Deeni Attijjaniya, a filin sukuwar Dawaki da ke Minna, Jihar Neja, ranar Asabar.
- Ba Za Ku Taba Nadamar Zaben APC A Karkashin Mulkina Ba – Tinubu
- DA DUMI-DUMINSA:- An Nada Bola Ahmed Tinubu Dakaren Masarautar Birnin Gwari
Taron Mauludin ya samu halartar gwamnan jihar Neja, Abubakar Sani Bello; takwaransa na jihar Kano, Abdullahi Umar Ganduje; Etsu da Sarkin Nupe, Alhaji Yahaya Abubakar.
Sauran Mahalarta taron sun hada da dan takarar gwamnan APC a jihar, Muhammed Umar Bago, da tsohon kakakin majalisar wakilai, Rt. Hon. Dimeji Bankole, da sauran manyan baki.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
